Policia Rajonale e Gjakovës ka intensifikuar kontrollet në komunikacion, duke u fokusuar kryesisht te drejtuesit e motoçikletave për të parandaluar aksidentet dhe për të rritur sigurinë në rrugë. Që nga fillimi i sezonit veror, janë shqiptuar 366 gjoba për shkelje të ndryshme të rregullave të trafikut ndaj motoçiklistëve, ndërsa 101 motoçikleta janë sekuestruar. Njësia Rajonale e Komunikacionit Rrugor, në bashkëpunim me patrullat me automjete inteligjente, po merr masa të shtuara për të garantuar respektimin e ligjit. Policia ka apeluar që të gjithë pjesëmarrësit në trafik, veçanërisht motoçiklistët, të respektojnë rregullat për të parandaluar aksidentet dhe për të siguruar sigurinë e tyre dhe të të tjerëve në rrugë.