Inspektorët e Komunikacionit në Komunën e Fushë Kosovës kanë intensifikuar kontrollet në terren për të identifikuar dhe ndaluar veprimtarinë e taksive ilegale. Gjatë këtyre inspektimeve janë evidentuar shkelje të ndryshme, për të cilat janë shqiptuar gjoba dhe vërejtje në përputhje me ligjin në fuqi. Komuna ka bërë të ditur se do të vazhdojë me kontrolle të rregullta, duke synuar garantimin e një transporti të sigurt, të rregullt dhe ligjor për qytetarët. Autoritetet lokale theksojnë se lufta kundër transportit ilegal është prioritet për ruajtjen e rendit dhe konkurrencës së drejtë në sektorin e transportit publik.