Drejtoria Rajonale e Policisë në Mitrovicën e Jugut ka intensifikuar kontrollet ndaj drejtuesve të motoçikletave për të rritur sigurinë në trafik dhe për të parandaluar aksidentet rrugore. Gjatë dy javëve të fundit, janë evidentuar 155 kundërvajtje, ndërsa 27 motoçikleta janë sekuestruar për shkak të mungesës së dokumentacionit, regjistrimit të vlefshëm ose pajisjeve të sigurisë. Policia ka ndërmarrë masa ligjore, duke përfshirë gjoba dhe masa të tjera ndaj shkelësve. Apeli i policisë drejtohet te drejtuesit e motoçikletave që të sigurohen për dokumentacionin dhe pajisjet mbrojtëse para se të dalin në rrugë.