Inspektorati Qendror i Punës ka zhvilluar një aksion të gjerë inspektimesh në sektorët me rrezikshmëri të lartë në Kosovë, me fokus kryesor në ndërtimtari. Gjatë 48 orëve të fundit janë kryer 41 inspektime, nga të cilat në 16 raste është ndaluar puna në objekte ndërtimi, kryesisht në Prizren, por edhe në Pejë e Prishtinë. Subjektet me ndalim të punimeve do të procedohen automatikisht në gjykata për kundërvajtje, ndërsa procesi i ri-inspektimeve do të vazhdojë për të verifikuar eliminimin e parregullsive dhe përmirësimin e kushteve të sigurisë në punë. Ky aksion synon të rrisë sigurinë në vendet e punës dhe të sigurojë zbatimin e ligjit në sektorët më të rrezikshëm.