Policia e Kosovës në rajonin e Prishtinës ka nisur një plan operativ për rritjen e sigurisë në trafik, me fokus të veçantë ndaj ngasësve të motoçikletave. Që nga fillimi i muajit korrik, janë konfiskuar 114 motoçikleta dhe janë marrë masa ndaj 535 drejtuesve për shkelje të rregullave të komunikacionit. Operacioni po zhvillohet në të gjitha rrugët e rajonit dhe do të vazhdojë deri në arritjen e efektit të dëshiruar për përmirësimin e sigurisë rrugore. Autoritetet kanë bërë thirrje për respektimin e rregullave të trafikut, duke theksuar rëndësinë e përgjegjshmërisë për uljen e rrezikut të aksidenteve.