Policia e Shkupit ka zhvilluar një kontroll të përforcuar në komunikacion gjatë natës, duke sanksionuar 262 drejtues automjetesh nga ora 18:00 deri në 01:00. Fokus i veçantë i këtij aksioni ishin drejtuesit e motoçikletave, motoçikletave të vogla, triçikleve dhe katërçikleve, ku 102 prej tyre u penalizuan, kryesisht për drejtim pa helmetë mbrojtëse. Gjithashtu, u shqiptuan 160 masa për kundërvajtje të tjera si mungesa e lejes së drejtimit, mungesa e targave dhe kalimi në semafor të kuq. Gjatë aksionit u arrestuan gjashtë persona për shkelje të rregullave të sigurisë në komunikacion, ndërsa një motoçikletë u konfiskua për shkak të regjistrimit të skaduar.