Gjatë muajit prill, Policia e Kosovës në Rajonin e Mitrovicës së Jugut ka intensifikuar kontrollet në trafikun rrugor me qëllim parandalimin e aksidenteve dhe rritjen e sigurisë. Si rezultat i këtyre kontrolleve janë shqiptuar mbi 4,200 gjoba për kundërvajtje të ndryshme, ndërsa janë sekuestruar përkohësisht 43 patentë-shoferë dhe 50 automjete. Përveç automjeteve, janë sekuestruar edhe 42 motoçikleta, skutera dhe trotinetë. Kundërvajtjet më të shpeshta kanë qenë mosrespektimi i shpejtësisë, parkimet e parregullta, xhamat e errësuar, drejtimi pa patentë, përdorimi i telefonit gjatë vozitjes dhe mosvendosja e helmetës mbrojtëse. Policia ka apeluar për respektimin e rregullave të komunikacionit dhe ka theksuar se siguria në trafik mbetet një nga prioritetet kryesore në këtë rajon.