Sot në Prizren u zhvillua një aksion i përbashkët nga Policia e Kosovës, Dogana dhe Administrata Tatimore e Kosovës, i fokusuar në disa argjendari të qytetit. Kontrolli u bë për të verifikuar veprimtarinë tregtare dhe dokumentacionin përkatës të këtyre bizneseve. Gjatë operacionit u bastisën argjendaria “Gazmendi”, dy lokale të argjendarisë “Te Zefi” dhe argjendaria “Nushi”. Ende nuk ka informacione për persona të arrestuar apo mall të sekuestruar, ndërsa autoritetet pritet të japin detaje të mëtejshme pas përfundimit të aksionit.