Një aksion i gjerë inspektimi po zhvillohet në rrugën “Pushkatarët” në Prizren, ku njësia e Krimeve Ekonomike, Inspektorati i Punës dhe inspektorët e Ministrisë së Industrisë po kontrollojnë parkingjet “Bekimi” dhe “Kaçinari”. Kontrolli lidhet me ankesat e qytetarëve dhe vizitorëve për çmime të larta parkimi, që arrijnë deri në 5 euro, si dhe dyshimet për moslëshim të kuponëve fiskalë. Ekipet inspektuese po verifikojnë zbatimin e ligjit dhe dokumentacionin fiskal të operatorëve ekonomikë në zonë. Deri tani nuk ka njoftime për masa të marra, ndërsa pritet që institucionet të bëjnë publike rezultatet pas përfundimit të aksionit.