Policia e Kosovës ka kryer një kontroll në pikëkalimin kufitar të Bërnjakut ndaj një shtetasi të Serbisë, gjatë së shtunës në mesditë. Gjatë kontrollit në automjetin e tij janë gjetur dhe konfiskuar dy sprej, një shufër metalike dhe një imitim i armës plastike. I dyshuari, një mashkull boshnjak me shtetësi serbe, është intervistuar nga autoritetet dhe më pas është liruar në procedurë të rregullt me vendim të prokurorit. Policia thekson se këto sende janë sekuestruar dhe rasti po trajtohet sipas ligjit.