Policia Kufitare e Sarandës ka nisur një operacion të gjerë kontrolli përgjatë vijës bregdetare nga Qeparoi deri në Kataeto, me qëllim garantimin e sigurisë gjatë sezonit veror. Gjatë kontrolleve janë vendosur rreth 20 masa administrative për shkelje të ndryshme, si mungesa e dokumentacionit, pajisjeve të ndihmës së shpejtë dhe jelekëve shpëtim për pasagjerët. Në aksion janë angazhuar 7 mjete lundruese dhe 32 efektivë policie shtesë, duke u përpjekur të mbulojnë rreth 350 mjete turistike që operojnë në këtë zonë. Autoritetet theksojnë se kontrollet do të vazhdojnë në mënyrë të pandërprerë për të siguruar respektimin e rregullave dhe mbrojtjen e pushuesve.