Gjatë javës së kaluar, Policia Rajonale e Ferizajt ka intensifikuar kontrollet në trafik, duke u fokusuar kryesisht tek drejtuesit e motoçikletave dhe skuterëve. Si rezultat, janë shqiptuar 26 gjoba për shkelje të ndryshme të rregullave të komunikacionit, ndërsa 15 motoçikleta janë konfiskuar kryesisht për mungesë dokumentacioni të rregullt. Shkeljet më të shpeshta përfshijnë drejtimin pa patentë shoferi, mungesën e regjistrimit dhe mosvendosjen e helmetës mbrojtëse. Policia apelon për respektimin e rregullave të trafikut dhe paralajmëron se kontrollet do të vazhdojnë për të rritur sigurinë rrugore dhe për të parandaluar aksidentet.