Drejtoria e Përgjithshme e Burgjeve ka zhvilluar kontrolle intensive dhe të papritura në institucionet penitenciare të Korçës dhe Pojses, në kuadër të masave për garantimin e rendit dhe sigurisë. Gjatë këtyre kontrolleve janë sekuestruar sende të palejuara dhe të mprehta që paraqesnin rrezik për jetën dhe sigurinë brenda burgjeve. Operacioni u drejtua nga Drejtori i Policisë së Burgjeve, Paulin Rajta, dhe u realizua me pjesëmarrjen e forcave speciale dhe operacionale në bashkëpunim me institucionet e tjera penitenciare. Drejtoria e Burgjeve paralajmëron se kontrollet do të vazhdojnë pa ndërprerje dhe se çdo shkelje do të trajtohet me masa administrative dhe ndjekje penale.