Në orët e para të mëngjesit të 10 shtatorit 2026, në IEVP Shkodër u krye një kontroll i befasishëm në dhomën e një të dënuari, ku u gjetën një aparat celular dhe dy qese me lëndë narkotike të dyshuar cannabis sativa. I dënuari S. Gj. u arrestua në flagrancë për futjen e sendeve të ndaluara dhe për prodhim e shitje të narkotikëve, ndërsa tre persona të tjerë, përfshirë dy punonjës policie dhe një të burgosur, po procedohen për shpërdorim detyre dhe moskallëzim krimi. Kontrolli është pjesë e një operacioni më të gjerë të Agjencisë së Mbikëqyrjes në Sistemin e Ekzekutimit të Vendimeve Penale nëpër burgjet e vendit. Materialet procedurale do t’i dorëzohen Prokurorisë pranë Gjykatës së Shkallës së Parë të Juridiksionit të Përgjithshëm Shkodër për veprime të mëtejshme.