Policia e Kosovës, në bashkëpunim me Prokurorinë dhe Administratën Tatimore të Kosovës, ka zhvilluar një aksion inspektimi në parkingjet e Podujevës, Lipjanit, Obiliqit dhe Graçanicës, ku janë zbuluar shkelje të shumta ligjore. Gjatë kontrolleve janë evidentuar biznese të paregjistruara, ushtrim i veprimtarisë pa arkë fiskale, moslëshim i kuponëve fiskalë, punëtorë të paregjistruar dhe biznese që operonin pa kontrata qiraje. Autoritetet janë njoftuar për të gjitha shkeljet dhe rastet po trajtohen në koordinim me prokurorinë kompetente. Inspektimet do të vazhdojnë për të garantuar respektimin e ligjit dhe luftimin e evazionit fiskal.