Gjatë javës së kaluar, KRU “Hidroregjioni Jugor” ka identifikuar 11 lidhje të paautorizuara të ujit në zonën e shërbimit, prej të cilave 9 në Prizren dhe 2 në Suharekë. Ekipet e kompanisë kanë kryer inspektime të vazhdueshme në terren për të parandaluar keqpërdorimin e ujit dhe lidhjet e paligjshme. Përveç evidentimit, KRU ka publikuar edhe fotografi nga disa prej rasteve të zbuluara gjatë kontrolleve. Procesi i inspektimit dhe masat parandaluese do të vijojnë për të siguruar përdorimin e ligjshëm të burimeve ujore në rajon.