Policia e Kosovës ka kryer kontrolle të shumta në shkolla të mesme në rajonin e Mitrovicës dhe Skenderajt, ku gjatë javës së kaluar janë kontrolluar 460 nxënës në tri shkolla në Mitrovicë Jug pa gjetur mjete të rrezikshme. Në një shkollë të mesme në Skenderaj, stafi i shkollës ka realizuar një kontroll ku janë gjetur dy nxënës me mjete të ndaluara; njëri me një thikë dhe tjetri me një armë zjarri pistoletë, 19 fishekë, një gëzhojë dhe një predhë e armës së gjatë. Të dy nxënësit janë shoqëruar në polici, janë intervistuar në prani të prindërve dhe mbrojtësve, dhe më pas janë liruar në procedurë të rregullt, ndërsa ndaj nxënësit me armë është iniciuar rasti penal për mbajtje të paautorizuar të armëve. Policia apelon që të mos bartën armë dhe mjete të rrezikshme në shkolla, duke paralajmëruar se kontrollet do të vazhdojnë për të garantuar sigurinë e nxënësve dhe ambientit shkollor.