Gjatë dy ditëve të fundit në Maqedoni janë shqiptuar 1.026 dënime në trafik si rezultat i kontrolleve intensive të policisë në të gjitha rrugët e vendit. Nga këto, 316 kundërvajtje lidhen me tejkalim të shpejtësisë, ndërsa 34 persona janë ndaluar për shkelje të ndryshme, përfshirë vozitje nën ndikimin e alkoolit dhe pa patentë shoferi. Gjithashtu, janë konfiskuar 23 automjete dhe janë evidentuar shumë kundërvajtje të tjera, si parkim i parregullt, mosmbajtje e helmetës, mos përdorim i rripit të sigurisë dhe parregullsi teknike të automjeteve. Policia apelon për respektim të rregullave të trafikut dhe paralajmëron se kontrollet do të vazhdojnë për të siguruar rrugë më të sigurta për të gjithë.