Policia e Kosovës, në bashkëpunim me Administratën Tatimore të Kosovës, Inspektoratin e Punës dhe Prokurorinë Themelore, ka zhvilluar një aksion të gjerë inspektimi në Gjakovë, duke kontrolluar 29 auto-parkingje për shmangie nga tatimi. Gjatë këtij aksioni janë evidentuar shkelje të ndryshme, për të cilat janë njoftuar dhe po veprojnë agjencitë ligj-zbatuese përkatëse. Policia ka bërë të ditur se do të vazhdojë procedurat ligjore në lidhje me veprën penale të shmangies nga tatimi. Ky aksion synon parandalimin dhe hetimin e këtij fenomeni, duke rritur kontrollin mbi bizneset që operojnë në këtë sektor në Gjakovë.