Në orët e hershme të mëngjesit të 25 gushtit, Policia në Prekaz të Poshtëm, pranë Kompleksit Memorial “Adem Jashari”, ndaloi disa persona gjatë një patrullimi rutinë në Lagjen Jashari. Kontrolli i personave nuk nxori asgjë të dyshimtë, por situata ndryshoi pasi në një Audi të zi me targa të huaja u gjetën nëntë gëzhoja të kalibrit 9 mm në derën e pasagjerit. Kjo gjetje çoi në shoqërimin e personave në Stacionin Policor në Skenderaj dhe më pas në bastisjen e shtëpisë së 19-vjeçarit Elionit Buzhala, i cili dyshohet për mbajtje pa leje të armëve. Gjatë bastisjes nuk u gjet asgjë tjetër e dyshimtë, ndërsa Buzhala u lirua në procedurë të rregullt, ndërkohë që rasti vazhdon të hetohet nga organet kompetente.