Tre persona janë arrestuar në Kosovë gjatë një operacioni të koordinuar ndërkombëtar kundër krimit kibernetik, i cili u zhvillua më 3 mars 2026. Operacioni u realizua në tri lokacione në Kosovë: Vushtrri, Obiliq dhe Ferizaj, nën drejtimin e Prokurorisë Speciale të Republikës së Kosovës dhe Drejtorisë për Hetimin e Krimeve Kibernetike. Të arrestuarit dyshohen për hyrje të paautorizuar në sisteme kompjuterike dhe vjedhje të identitetit dhe kredencialeve, duke përdorur njohuritë teknologjike për të siguruar dhe shpërndarë në mënyrë të paligjshme të dhëna personale dhe financiare në platformën online “LEAKBASE.IO”. Ky operacion, pjesë e një aksioni global (OP LEAK), u zhvillua në mënyrë të koordinuar në shumë vende, përfshirë SHBA, Britani të Madhe, Australi, Gjermani, Rumani, Poloni, Portugali, Kanada, Malajzi, Greqi, Spanjë, Holandë dhe Belgjikë.