Hamdi Lataj, një 62-vjeçar me origjinë nga Kosova, i dënuar më parë në SHBA për konspiracion për vjedhje banke, është shfaqur në videoklipin e reperit të njohur Drake për këngën “Polar Opposites”. Lataj, i cili ka një të kaluar kriminale në SHBA dhe është përfshirë në hetime për trafik droge dhe pastrim parash në Kanada, jeton një jetë luksoze në Toronto dhe frekuenton vendet VIP në ndeshjet e Toronto Raptors. Emri i tij ka dalë në disa hetime të krimit të organizuar në Kanada, përfshirë lidhjet me banda motoristësh dhe mafian italiane ‘Ndrangheta’, por nuk është akuzuar zyrtarisht. Pavarësisht këtyre fakteve, nuk dihet nëse Drake ishte i informuar për historinë kriminale të Latajt para se të bashkëpunonte me të në videoklip, ndërsa përfaqësuesit e reperit nuk kanë dhënë asnjë koment.