Një 28-vjeçar nga Kosova pritet të dëbohet nga Gjermania pas një aksidenti fatal që ai shkaktoi në vitin 2019 gjatë një gare ilegale makinash në Duisburg. Në këtë aksident humbi jetën një grua 43-vjeçare, ndërsa i riu u dënua me pesë vjet burgim në vitin 2023. Gjykata Administrative e Dyseldorfit dhe më pas Gjykata e Lartë Administrative në Munster kanë konfirmuar vendimin për dëbim, duke argumentuar se ai përbën rrezik të vazhdueshëm për kryerjen e krimeve. Vendimi i fundit është i pakontestueshëm pasi ankesa e të riut u refuzua për arsye procedurale, dhe tani ai do të dëbohet në Kosovë nga burgu ku po vuante dënimin.