Një ngjarje e rëndë ka tronditur Roskovecin, ku një 80-vjeçar ka vrarë bashkëshorten e tij dhe më pas është vetëvrarë. Sipas dëshmisë së djalit të çiftit Rrapaj, i cili në momentin e ngjarjes ishte në Fier për një konsultë mjekësore, konflikti i fundit mes prindërve kishte nisur rreth 10 ditë më parë për shkak të hedhjes së plehut mbi patatet në oborr, gjë që acaroi shumë të atin. Djali, pasi u kthye në shtëpi, i gjeti prindërit e pajetë dhe njoftoi fillimisht një kushëri, pastaj policinë. Arma e përdorur në krim ishte një pistoletë e vjetër, e fshehur nën tokë që nga viti 1997, dhe dy plumba shkaktuan vdekjen e gruas dhe më pas të burrit që u vetëvrar.