Një ngjarje e rëndë ka ndodhur në Ulqin, ku një 46-vjeçar nga Kosova dyshohet se ka vrarë partneren e tij 36-vjeçare nga Lezha, Dila Ndoj. Pas krimit, autori dyshohet se i vuri flakën banesës së tyre në lagjen Kodre të Ulqinit, në përpjekje për të fshehur gjurmët. Policia malazeze gjeti trupin e pajetë të viktimës brenda banesës së përfshirë nga flakët dhe arrestoi autorin, i cili kishte marrë lëndime nga zjarri. Hetimet për zbardhjen e plotë të ngjarjes vazhdojnë, ndërsa familja e Dila Ndojt po përgatitet për ceremoninë mortore në Balldren të Lezhës, duke hapur dyert për ngushëllimet e të afërmve dhe komunitetit.