KRU “Mitrovica” ka reaguar ndaj keqpërdorimeve dhe ndërhyrjeve të paautorizuara në sistemin e furnizimit me ujë, duke theksuar se vjedhja e ujit nuk është një “hile”, por një shkelje ligjore që mund të dënohet. Ndërmarrja njofton se çdo manipulim i ujëmatësve, lidhje pa leje apo konsum i paautorizuar shkakton dëme për konsumatorët që paguajnë rregullisht dhe rrit humbjet e ujit. KRU “Mitrovica” i bën thirrje konsumatorëve të respektojnë rregullat, të paguajnë faturat dhe të mos ndërhyjnë në sistemin e furnizimit për të shmangur kosto ligjore dhe operative. Apeli i ndërmarrjes është i qartë: mos lejoni që të tjerët të paguajnë për ujin që keqpërdorni ju.