Petrit Kryeziu, Kryeprokuror i Prokurorisë Themelore në Prizren, ka theksuar se personat që merren me fajde nuk janë të paprekshëm dhe se ndaj tyre vepron ligji, jo individët. Ai ka bërë të ditur se rastet e fajdesë trajtohen me prioritet dhe nuk do të ketë tolerancë për këtë vepër penale, e cila shpesh shoqërohet me dhunë dhe kërcënime ndaj viktimave dhe familjeve të tyre. Në vitin 2025 janë trajtuar 42 persona për fajde, ndërsa edhe në 2026 numri i rasteve mbetet i lartë. Kryeprokurori ka nënvizuar rëndësinë e hetimeve financiare dhe konfiskimit të pasurive të fituara në mënyrë të paligjshme, duke përmendur një rast ku janë sekuestruar 21 banesa dhe tre lokale afariste me vlera milionëshe.