Hamëz Ismajli, një 80-vjeçar nga Ferizaj, është zhdukur që nga 17 gushti 2026 dhe kërkohet ndihma e qytetarëve për gjetjen e tij. Ai është parë për herë të fundit më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova. Sipas dëshmive, Ismajli po kërkonte një person nga Tirana dhe kishte pyetur disa qytetarë për vendndodhjen e tij, por pas asaj dite nuk ka pasur asnjë informacion të ri për fatin e tij. Shoqata për Kërkim dhe Shpëtim e Kosovës dhe familjarët kanë bërë thirrje që njoftimi të shpërndahet gjerësisht dhe çdo person që ka informacion të kontaktojë autoritetet ose shoqatën në numrin +383 44 235 715.