Në Romë, rreth 30 kuaj të forcave të armatosura italiane u trembën nga një shpërthim fishekzjarrësh pranë ‘Baths of Caracalla’ dhe dolën jashtë kontrollit, duke vrapuar në rrugët kryesore të qytetit. Gjatë përpjekjeve për t’i ndaluar, pesë persona – tre ushtarë dhe dy policë – u plagosën, dy prej tyre në gjendje të rëndë por jashtë rrezikut për jetën. Kuajt shkaktuan dëme materiale në automjete dhe tronditën shumë qytetarë para se autoritetet të arrinin t’i kapnin dhe t’i dërgonin në një vend të sigurt. Njëri prej kuajve u plagos rëndë dhe u detyrua të eutanizohej, ndërsa ngjarja ka shkaktuar panik dhe shqetësim në kryeqytet para paradës ushtarake të Ditës së Republikës.