Drejtoria e të Ardhurave Publike (DAP) ka paralajmëruar qytetarët për një valë mesazhesh të rreme SMS që informojnë për një rimbursim tatimi të pretenduar. Këto mesazhe përmbajnë linke të rrezikshme që mund të përdoren për keqpërdorimin e të dhënave personale dhe bankare të qytetarëve. DAP apelon që të mos hapen këto linke dhe të mos jepen informacione të ndjeshme, duke theksuar se çdo informacion duhet verifikuar vetëm përmes kanaleve zyrtare dhe faqes së tyre ujp.gov.mk. Qytetarët gjithashtu këshillohen të paralajmërojnë të afërmit për këtë mashtrim të mundshëm dhe të jenë shumë të kujdesshëm.