Policia Rajonale në Gjilan ka bërë apel të fuqishëm për qytetarët që të tregojnë kujdes të shtuar gjatë parkimit të automjeteve, duke mos lënë sende me vlerë në vende të dukshme brenda veturave. Sipas Policisë, shumë vjedhje ndodhin pikërisht për shkak të këtyre sendeve të lëna hapur, që i bëjnë automjetet objekt të lehtë për keqbërësit. Ajo rekomandon që para largimit të kontrollohet që dyert të jenë të kyçura dhe dritaret plotësisht të mbyllura. Gjithashtu, qytetarët ftohen të raportojnë menjëherë çdo person ose veprim të dyshimtë pranë automjeteve në numrin pa pagesë 192 ose përmes aplikacionit “Lajmëro Policinë”.