Ministria e Infrastrukturës dhe Transportit ka bërë thirrje urgjente për të gjithë drejtuesit e automjeteve që të tregojnë kujdes të shtuar gjatë qarkullimit në rrugë, për shkak të punimeve të mirëmbajtjes që po zhvillohen në segmente të ndryshme. Ekipet e mirëmbajtjes janë aktive në terren, ndaj ngasësit duhet të respektojnë sinjalizimin e përkohshëm dhe të përshtatin shpejtësinë me kushtet aktuale në zonat ku po punojnë. Ministria ka kërkuar gjithashtu që drejtuesit të ndjekin me vëmendje udhëzimet e punëtorëve në terren për të garantuar sigurinë e tyre dhe të ekipeve që kryejnë punimet. Apeli për durim dhe vëmendje është theksuar si një masë e domosdoshme për të shmangur aksidentet dhe për të siguruar rrjedhshmërinë e komunikacionit në këto zona.