Më 21 maj 1999, në fshatin Stagovë të Kaçanikut u krye një masakër e rëndë ku u vranë 13 qytetarë të pafajshëm, përfshirë edhe një fëmijë 7-vjeçar. Forcat paramilitare serbe, nën regjimin e Millosheviqit, dogjën mbi gjysmën e shtëpive të fshatit dhe shkatërruan bagëtitë, duke synuar zhdukjen fizike dhe materiale të komunitetit shqiptar në Kosovë. Ky krim u hetua nga Tribunalit Penal Ndërkombëtar për ish-Jugosllavinë, por asnjë nga përgjegjësit nuk u dënua për këtë akt mizor. Përkujtimi i 27-vjetorit po mbahet me manifestime dhe homazhe në Stagovë dhe Kaçanik, duke nderuar dëshmorët dhe martirët e kësaj tragjedie.