Në përvjetorin e 27-të të betejës së Çabratit në Gjakovë, kujtimet e familjarëve të dëshmorëve janë ende të gjalla dhe plot dhimbje. Vigjilent Gjokaj, djali i dëshmorit Tom Gjokaj, rrëfen me krenari momentet kur babai i tij i thoshte se arma që mbante do të sillte lirinë për Kosovën. Ndërsa familja Shehu vazhdon të presë me shpresë që të gjejnë trupin e të afërmit të tyre, i cili mbetet i pagjetur pas betejës. Në këtë përballje me forcat serbe, ranë 22 ushtarë të UÇK-së, u vranë rreth 50 civilë dhe u zhdukën pa gjurmë 50 persona të tjerë, duke lënë pas një histori të dhimbshme dhe të paharruar.