Më 5 nëntor do të shënohet një vit nga vrasja tragjike e 25-vjeçares Daorsa Spahija në Tetovë, një ngjarje që la një dhimbje të thellë në familjen e saj. Një familjare e ngushtë ka ndarë një mesazh prekës në rrjetet sociale, ku kujton me mall Daorsën dhe shpreh dëshirën për drejtësi, duke theksuar se vajza ishte e frikësuar dhe e kërcënuar para se të humbte jetën. Në mesazhin e saj përmendet edhe babai i Daorsës, Arbëri (BENI), i cili do të kishte bërë gjithçka për ta mbrojtur atë, por vajza nuk i tregoi frikërat e saj për të mos i shqetësuar. Familjarja përshkruan Daorsën si “doktoresha jonë me mantelin e bardhë” dhe “engjëllin” e familjes, duke theksuar se dhimbja do të mbetet derisa të vendoset drejtësia për jetën e saj.