Shkemb Manaj, anëtar i kryesisë së LDK-së, ka përkujtuar 26-vjetorin e vrasjes së babait të tij, Shaban Manaj, veprimtar i njohur i LDK-së dhe Hero i Kosovës. Ai thekson se mungesa e babait ndihet çdo ditë, ndërsa kujtimi për jetën dhe sakrificën e tij mbetet i gjallë në zemrat e shumë njerëzve nga Kosova dhe diaspora. Shaban Manaj u vra për shkak të bindjeve të tij politike dhe përkushtimit ndaj një Kosove të lirë, demokratike dhe të pavarur, duke qëndruar pranë presidentit historik Ibrahim Rugova. Kjo vrasje, si edhe ato të shumë veprimtarëve të tjerë të LDK-së, përbën një plagë të thellë për vetë Kosovën dhe historinë e saj.