Elijona Binakaj ka ndarë një dedikim emocional në përvjetorin e 24-të të lindjes së motrës së saj të ndjerë, Erlindës, e cila humbi jetën në një aksident tragjik së bashku me nënën në vitin 2021. Në rrjetet sociale, ajo publikoi një fotografi bardh e zi ku shfaqet pranë motrës, duke shprehur mallin dhe dhimbjen e thellë me fjalët: “Deri sa të takohemi përsëri, do të të mbaj në zemrën time. Gëzuar ditëlindjen në parajsë, Lindushe.” Kjo ngjarje ka prekur shumë ndjekës, të cilët kanë ndarë dhimbjen e saj për humbjen tragjike të familjes. Elijona ka folur shpesh për këtë tragjedi edhe gjatë qëndrimit të saj në Big Brother VIP Kosova 4, duke treguar se kujtimet dhe dhimbja mbeten të gjalla në zemrën e saj.