Në fshatin Studime të Vushtrrisë është përkujtuar 27-vjetori i masakrës së familjes Gërxhaliu, ku forcat serbe vranë dhe masakruan 12 anëtarë të saj, përfshirë fëmijë, gra, burra dhe të moshuar. Me homazhe pranë lapidarit përkujtimor, familjarë, qytetarë dhe përfaqësues institucionalë nderuan kujtimin e këtyre viktimave, duke theksuar rëndësinë e sakrificës së tyre për lirinë dhe shtetin e Kosovës. Kryetari i Komunës së Vushtrrisë, Ferit Idrizi, theksoi se kjo ngjarje mbetet simbol i dhimbjes dhe çmimit të lartë që populli ka paguar gjatë luftës për pavarësi. Ai përkujtoi me respekt jetën dhe vuajtjet e familjes Gërxhaliu, duke u shprehur se kujtimi i tyre është i përhershëm dhe lavdi e përjetshme martirëve.