Kruarja e këmbëve shpesh lidhet me shkaqe të padëmshme si lëkura e thatë apo ndryshimet e motit, por kur zgjat apo përsëritet shpesh, mund të tregojë probleme serioze shëndetësore që nuk duhen injoruar. Kjo simptomë mund të jetë shenjë e diabetit, ku nivelet e larta të sheqerit në gjak shkaktojnë ndryshime në lëkurë dhe shfaqen edhe simptoma të tjera si etje e shtuar dhe lodhje. Gjithashtu, kruarja mund të lidhet me sëmundje të mëlçisë, që paraqitet me lodhje, humbje oreksi dhe zverdhje të lëkurës, ose me probleme të veshkave, ku shfaqen edhe ënjtje dhe dhimbje. Nëse kruarja e këmbëve shoqërohet me simptoma të tjera apo zgjat për një kohë të gjatë, është e rëndësishme të kërkohet ndihmë mjekësore për diagnozë dhe trajtim të duhur.