Më 17 qershor 2026, në Stacionin Policor të Gjilanit u raportua një rast i dyshuar i vjedhjes së një automjeti. Hetuesit policorë nisën menjëherë veprime intensive operative dhe hetimore për të zbardhur rrethanat dhe për të identifikuar personat e përfshirë. Pas grumbullimit dhe analizimit të provave materiale, u konstatua se nuk kishte elemente të veprës penale “Vjedhje e rëndë”, por dyshohet se është kryer vepra penale “Vetëgjyqësi”. Automjeti u lokalizua dhe po kryhen të gjitha veprimet procedurale në koordinim me Prokurorinë për sqarimin e plotë të ngjarjes.