Rrustem Hysenaj, një 38-vjeçar me origjinë nga Kosova, u bë hero në Zvicër pasi shpëtoi një 71-vjeçar nga mbytja në lumin Aare pranë Aaraut. Ngjarja ndodhi herët në mëngjesin e së hënës, kur një kalimtar i panjohur e ndaloi Hysenajn dhe i kërkoi ndihmë urgjente për të moshuarin që po luftonte me temperaturën e ulët të ujit dhe nuk mund të dilte vetë nga lumi. Me ndihmën e një personi tjetër, Hysenaj arriti ta nxirrte të moshuarin nga uji dhe t’i jepte ndihmën e parë deri në mbërritjen e emergjencës, duke parandaluar një tragjedi të mundshme.