Kryeministri në detyrë, Albin Kurti, ka bërë thirrje të forta për kujdes të shtuar në komunikacion, duke u fokusuar në rritjen e aksidenteve të fundit që kanë përfunduar edhe me fatalitete. Ai ka uruar mirëseardhjen për mërgatën që ka ardhur për pushime në Kosovë, duke theksuar se prania e tyre gjallëron vendin gjatë sezonit veror. Gjatë mbledhjes së Qeverisë, Kurti ka kërkuar nga Policia e Kosovës që të intensifikojë veprimet për parandalimin e shkeljeve të rregullave të trafikut, me qëllim rritjen e sigurisë në rrugë. Apeli i tij është drejtuar si qytetarëve për respektim të rregullave, ashtu edhe institucioneve për angazhim më të madh në kontrollin e komunikacionit gjatë periudhës me fluks të shtuar të automjeteve.