Një aksident tragjik në një vendpunishte në rrugën “Holger Petersen” në Prishtinë la pas një viktimë dhe një të lënduar. Drejtori i Inspektoratit në Komunën e Prishtinës, Bekim Brestovci, shprehu ngushëllimet për familjen e viktimës dhe uroi shërim të shpejtë për të lënduarin, duke sqaruar se Inspektorati i Kryeqytetit nuk ka kompetencë për kontrollin teknik të vinçëve. Ai theksoi se verifikimi i sigurisë teknike, kontrolli i dokumentacionit dhe mbikëqyrja e masave të sigurisë për vinçët janë përgjegjësi e Inspektoratit Qendror të Punës, jo e Inspektoratit të Ndërtimit të Kryeqytetit. Brestovci gjithashtu njoftoi se Inspektorati i Kryeqytetit do të bashkëpunojë me Policinë, Prokurorinë dhe institucionet përkatëse për zbardhjen e plotë të rrethanave të aksidentit.