Këngëtari Labinot Rexha është ftuar nga Policia e Kosovës për t’u intervistuar lidhur me një video ku duket duke shtënë me armë gjatë një dasme në komunën e Klinës. Sipas autoriteteve, në video shihet Rexha duke përdorur një pistoletë dhe duke shtënë katër herë në ajër gjatë performancës së tij muzikore në ahengun familjar. Rexha ka mohuar që arma të jetë e vërtetë, duke sqaruar se ishte një pistoletë me gaz dhe se ajo i përkiste një mysafiri në dasmë. Policia ka nisur hetimet për veprat penale që lidhen me mbajtjen dhe përdorimin e paautorizuar të armës, ndërsa procedurat janë në vazhdim dhe Rexha do të intervistohet së shpejti.