Mbrëmjen e sotme në hyrje të tunelit të Skërficës, në rrugën kombëtare Kardhiq-Delvinë, një automjet ka dalë nga rruga dhe është përplasur me barrierat anësore. Fatmirësisht, aksidenti ka shkaktuar vetëm dëme materiale dhe nuk ka pasur të lënduar. Shkaku kryesor i ngjarjes dyshohet të jetë lagështia mbi asfalt, për shkak të reshjeve intensive që kanë përfshirë zonën gjatë mbrëmjes. Autoritetet paralajmërojnë për kujdes të shtuar në këto kushte të motit të keq, pasi rrugët bëhen të rrezikshme për drejtuesit e automjeteve.