Një tërmet me magnitudë 3.8 ballë ka goditur Qarkun e Fierit, me epiqendër vetëm 1 kilometër në verilindje të Lushnjes. Lëkundjet sizmike janë ndier edhe në qytetet e Elbasanit dhe Lushnjes rreth orës 15:37, duke shkaktuar shqetësim te banorët. Autoritetet kanë bërë me dije se thellësia e tërmetit ishte 10 kilometra dhe deri tani nuk ka raportime për dëme materiale apo persona të lënduar. Situata po monitorohet nga institucionet për të vlerësuar çdo zhvillim të mëtejshëm.