Kompania Rajonale e Ujësjellësit “Prishtina” ka zbuluar gjatë kontrolleve në fshatin Trudë lidhje ilegale në rrjetin e furnizimit me ujë, si dhe konsumatorë me borxhe të papaguara. Për të gjitha rastet e konstatuara janë ndërmarrë masa, duke përfshirë shkyçjen nga rrjeti i ujësjellësit. KRU “Prishtina” ka njoftuar se lëndët do t’i përcillen Prokurorisë për procedim të mëtejmë dhe ka paralajmëruar vazhdimin e kontrolleve edhe në zona të tjera. Ky aksion synon të sigurojë furnizim të rregullt dhe të drejtë për të gjithë konsumatorët.