Kompania Rajonale e Ujësjellësit “Prishtina” ka zbuluar lidhje ilegale të ujit në lagjet Arbëri dhe Ulpianë, ku disa biznese ishin të kyçura në rrjetin e ujësjellësit pa përdorur ujëmatësin. Pas inspektimeve në terren, ekipet e KRU-së kanë ndërmarrë masa duke shkyçur këto lidhje dhe duke paralajmëruar konsumatorët për pasojat e mundshme ligjore nëse nuk legalizojnë përdorimin e ujit. Kompania po vazhdon kontrollet në terren për të identifikuar dhe parandaluar keqpërdorimet e rrjetit të ujësjellësit në të ardhmen. KRU “Prishtina” u bën thirrje të gjithë konsumatorëve që të bashkëpunojnë dhe të respektojnë rregullat për të siguruar furnizim të drejtë dhe të ligjshëm me ujë.