Gjykata e Apelit ka vendosur të ndryshojë masën e sigurimit ndaj producentit Petri Bozo, duke e liruar nga paraburgimi dhe duke e vendosur në arrest shtëpiak. Bozo ishte arrestuar më 25 maj pas një aksidenti tragjik në aksin Elbasan–Librazhd, ku makina e tij përplasi për vdekje një 7-vjeçar përballë shkollës “Sulejman Rranci”. Në hetim u konstatua se automjeti po lëvizte me shpejtësi mbi normat e lejuara në zonë, ndonëse Bozo pretendonte se nuk kishte shpejtësi të lartë. Ngjarja ka tronditur komunitetin, pasi fëmija ndodhej pranë rrugës me nënën, pasi kishin shoqëruar motrën në shkollë, ku ai mësonte në turnin e pasdites.