Pas protestës së organizuar nga Partia Demokratike më 20 shkurt në Tiranë, 18 persona të arrestuar janë liruar nga autoritetet. Gjykata e Tiranës ka vlerësuar të ligjshëm arrestimin për 9 prej tyre, ndërsa për 9 të tjerët arrestimi është konsideruar i paligjshëm. Për 17 nga protestuesit është caktuar masa e sigurisë “detyrim për paraqitje”, ndërsa një person me probleme të shëndetit mendor nuk ka marrë asnjë masë sigurie. Avokati i Popullit ka monitoruar veprimet e policisë dhe ka marrë dëshmitë e të ndaluarve në komisariatet e qytetit, duke ndjekur nga afër zhvillimet pas protestës.